“Araz-Naxçıvan” klubunun təcrübəli müdafiəçisi Urfan Abbasov Azərbaycan çempionatlarında 300-cü oyununu keçirməsi ilə bağlı “Report”a açıqlama verib. 31 yaşlı futbolçu, əsas hədəfinin daha çox oyun keçirmək olduğunu vurğulayıb və oyun sayına görə ölkədə ən azı ilk “5-lik”də yer almaq istədiyini bildirib.
Abbasov, Azərbaycan çempionatlarında bu qədər oyun oynadığına görə sevindiyini qeyd edərək, daha çox oyuna çıxmağı hədəflədiyini deyib: “Bu qədər oyun keçirmək mənim üçün xoşdur. Əlbəttə, məndən çox oyun oynayan futbolçular da var, amma mənim məqsədim də oyun sayımı artırmaqdır. Ən vacibi isə zədələrdən uzaq olmaqdır.”
Qeyd edək ki, Urfan Abbasovun 300-cü oyunu, Azərbaycan Premyer Liqasının 2024/2025 mövsümündə “Kəpəz”ə qarşı VI turda baş tutub. Bu oyunla Abbasov, Azərbaycan çempionatları tarixində 300 və daha çox oyun keçirən 28-ci futbolçu olub. Müdafiəçi bu müddətdə 7 qol vurmağa da müvəffəq olub.
