ABŞ Prezidenti Donald Tramp bir sıra ölkələrdən idxal edilən məhsullara qarşı tətbiq olunacaq yeni gömrük rüsumlarının həcmini açıqlayıb. Trampın sözlərinə görə, yeni tariflər digər ölkələrin ABŞ məhsullarına tətbiq etdiyi gömrük rüsumları ilə müqayisədə iki dəfə aşağı olacaq.
Tarif siyahısında Azərbaycan da var
Daylinews-Az xəbər verir ki, Tramp çıxışı zamanı təqdim etdiyi cədvəldə Azərbaycan da daxil olmaqla bir sıra ölkələrə qarşı 10 faiz gömrük rüsumu tətbiq ediləcəyini bəyan edib.
Tariflərə məruz qalacaq bəzi ölkələr və faiz dərəcələri:
- Çin – 34%
- Avropa İttifaqı – 20%
- Vyetnam – 46%
- Tayvan – 32%
- Yaponiya – 24%
- Cənubi Koreya – 25%
- Tailand – 36%
- İndoneziya – 32%
- Malayziya – 24%
- Kamboca – 49%
- Böyük Britaniya – 10%
- Braziliya – 10%
- İsrail – 17%
- Filippin – 17%
- Cənubi Afrika – 30%
Post-sovet ölkələri üçün tariflər
- Azərbaycan – 10%
- Ermənistan – 10%
- Gürcüstan – 10%
- Özbəkistan – 10%
- Türkmənistan – 10%
- Qazaxıstan – 27%
- Kırğızıstan – 10%
- Tacikistan – 10%
- Moldova – 31%
- Serbiya – 37%
Əlavə olaraq, Tramp 3 aprel tarixindən etibarən ABŞ-da istehsal olunmayan avtomobillərin idxalına 25% gömrük rüsumu, 3 maydan etibarən isə avtomobil ehtiyat hissələrinə yeni rüsumların tətbiq olunacağını bildirib.
Tramp qeyd edib ki, bu tədbirlər “ABŞ iqtisadiyyatını yenidən gücləndirmək və saxtakarlığın qarşısını almaq” məqsədi daşıyır. Siyahıda Rusiya yer almayıb.
