Bakıda mini-futbol üzrə Dünya Çempionatının təntənəli açılış mərasimi baş tutdu. Tədbir möhtəşəm şoular, musiqili çıxışlar və beynəlxalq qonaqların iştirakı ilə yadda qaldı.
Daylinews-az.com xəbər verir ki, mərasimdə Azərbaycan Mini-Futbol Federasiyasının (AMF) prezidenti Orxan Məmmədov, Dünya Mini-Futbol Federasiyasının rəhbəri Filip Juda və digər rəsmi şəxslər iştirak ediblər.
Tədbir Azərbaycanın Dövlət Himninin səsləndirilməsi ilə başlayıb.
Musiqili şou və dünya ulduzları
Açılış mərasiminin bədii hissəsində Fransanın freestyl üzrə dünya çempionu Arno Qarnye unikal səhnə çıxışı ilə izləyicilərin diqqətini cəlb edib. Ardınca tanınmış türkiyəli ifaçı Aleyna Tilki və Azərbaycanın Xalq artisti Aygün Kazımova öz ifaları ilə səhnəyə rəng qatıblar.
Çempionat çərçivəsində artıq beş qarşılaşma baş tutub:
- Fransa – Çad – 1:0
- Portuqaliya – Bolqarıstan – 3:1
- İngiltərə – Ukrayna – 4:0
- Slovakiya – Hindistan – 15:0
- Macarıstan – Türkiyə – 1:1
Final 1 iyunda
Mini-futbol üzrə dünya çempionatı 1 iyun tarixində başa çatacaq. Turnir ərzində Bakı dünyanın diqqət mərkəzində qalacaq və ölkəmiz beynəlxalq idman tədbirlərinə ev sahibliyi ənənəsini uğurla davam etdirəcək.
