Bakı Metropoliteni yaxın illərdə sərnişinlərin rahatlığını artırmaq və infrastrukturun yenilənməsi məqsədilə yeni nəsil metro vaqonlarının alınmasını planlaşdırır. Məlumata görə, 2025-2026-cı illərdə 30 yeni vaqon (6 qatar tərkibi) Bakıya gətiriləcək və istifadəyə veriləcək.
Yalnız “yaşıl xətt” üçün yeni tərkiblər
Metro rəhbərliyinin verdiyi məlumata görə, hazırda istehsalçı zavodla əldə olunmuş razılaşma çərçivəsində bu vaqonlar cari il ərzində Bakıdakı depoya gətiriləcək, tam komplektləşdiriləcək və istismara veriləcək. Yenidən təşkil olunacaq xətt bölgüsündən sonra “yaşıl” xəttdə yalnız yeni nəsil qatarlar fəaliyyət göstərəcək.
2025-2030 Dövlət Proqramına uyğun yenilənmə
Qeyd edək ki, Bakı şəhəri və ətraf ərazilərdə nəqliyyat infrastrukturunun təkmilləşdirilməsi üzrə 2025-2030-cu illər Dövlət Proqramına əsasən, köhnəlmiş vaqonlar mərhələli şəkildə istismardan çıxarılacaq və ümumilikdə 299 yeni metro vaqonu alınacaq.
