21 may tarixində İspaniyanın Bilbao şəhərindəki “San Mames” stadionunda UEFA Avropa Liqasının 2024/25 mövsümünün final oyunu keçirildi. Qarşılaşmada İngiltərənin iki nəhəng klubu – “Tottenhem” və “Mançester Yunayted” üz-üzə gəldi. Oyunun taleyini yalnız bir qol həll etdi.
Yeganə qol – və kubok Londona getdi
Londondan olan “Tottenhem” minimal hesabla – 1:0 qalib gələrək Avropa Liqasının yeni çempionu oldu. Finalın yeganə və həlledici qolunu 42-ci dəqiqədə Brennan Conson vurdu. Bu nəticə ilə klub Avropa Liqasını (əvvəlki adı UEFA Kuboku) tarixində üçüncü dəfə qazandı.
Oyun protokolu:
Avropa Liqası – Final
“Tottenhem” (İngiltərə) – “Mançester Yunayted” (İngiltərə) – 1:0
Qol: Conson, 42
“Tottenhem” heyəti:
Vikario – Udodji (90 Spens), Porro, Van de Ven, Romero – Bentankur, Bissuma, Matar Sarr (90 Qrey) – Conson (79 Danso), Solanke, Riçarlison (67 Son)
“Mançester Yunayted” heyəti:
Onana – Şou, Maquayr, Yoro – Mazraui (85 Dalot), Kazemiro, Dorqu (90 Meynu), B. Fernandeş – Maunt (71 Qarnaço), Diallo, Hoylun (71 Zirkze)
Tarixi nəticə və statistika
Bu, “Tottenhem”in Avropa Liqasındakı (UEFA Kuboku daxil olmaqla) üçüncü qələbəsi oldu. Klub daha əvvəl bu turniri 1972 və 1984-cü illərdə qazanmışdı. Turnirin rekordçusu isə 7 dəfə kuboku başı üzərinə qaldırmış “Sevilya” klubudur.
