İyulun 13-də Azərbaycanda ali təhsil müəssisələrinə qəbul imtahanlarının növbəti mərhələsi keçiriləcək. Daylinews-az.com xəbər verir ki, bu barədə Dövlət İmtahan Mərkəzi (DİM) məlumat yayıb.
İmtahan kimlər üçün nəzərdə tutulub?
- I və IV ixtisas qrupları üzrə ali məktəblərə qəbul imtahanı
- III ixtisas qrupu üzrə DT və TC altqruplarının hər ikisini seçənlər üçün coğrafiya fənni üzrə əlavə imtahan
İmtahan keçiriləcək şəhər və rayonlar:
Bakı, Xankəndi, Naxçıvan, Gəncə, Şəmkir, Ağstafa, Qazax, Sumqayıt, Abşeron, Şamaxı, Mingəçevir, Şəki, Zaqatala, Bərdə, Göyçay, Kürdəmir, Şirvan, Sabirabad, Salyan, Lənkəran, Masallı, Xaçmaz
İmtahan təşkilatçılığı:
- 144 imtahan binası
- 2537 imtahan zalı
- 144 ümumi imtahan rəhbəri
- 396 imtahan rəhbəri
- 3177 nəzarətçi
- 460 buraxılış rejimi əməkdaşı
- 144 bina nümayəndəsi
İştirakçılar üzrə statistik göstəricilər:
- I ixtisas qrupu – 24 059 nəfər
- IV ixtisas qrupu – 5 634 nəfər
- III qrup üzrə coğrafiya fənni – 4 536 nəfər
- Cəmi: 34 229 abituriyent
Xüsusi qayğıya ehtiyacı olan iştirakçılar:
- 58 nəfər sağlamlıq imkanları məhdud abituriyent iştirak edəcək
- Onlar üçün xüsusi zallar ayrılıb
- Gözdən əlil iştirakçılar üçün fərdi nəzarətçilər təyin olunub
- Hərəkət məhdudiyyətli şəxslər üçün imtahan binalarında uyğun şərait yaradılıb
- Əlavə olaraq, bu nəzarətçilər üçün xüsusi təlimlər keçirilib
İmtahanla bağlı vacib vaxtlar:
- İmtahan başlanır: saat 10:00
- Buraxılış rejimi bağlanır: saat 09:45 – bu saatdan sonra gələnlər binaya buraxılmayacaq
- Buraxılış vərəqələri – iyulun 3-dən etibarən DİM-in saytından çap oluna bilər
Təhlükəsizlik tədbirləri:
İmtahan keçiriləcək binalara iyulun 12-də nəzarət baxışı keçiriləcək, zallar, giriş-çıxış qapıları möhürlənəcək və Daxili İşlər Nazirliyinin Baş Mühafizə İdarəsi tərəfindən mühafizə olunacaq.





