Prezident İlham Əliyevin imzaladığı Sərəncama əsasən, ölkədə iki yeni milli park – Axar-Baxar və İlisu milli parkları yaradılır.
Daylinews-az.com President.az-a istinadən xəbər verir ki, yeni parkların yaradılması üçün bir neçə rayonun dövlət ehtiyat fondu torpaqlarından ümumilikdə 37 867.99 hektar sahə ayrılıb.
Axar-Baxar Milli Parkı
Bu milli parkın yaradılması üçün aşağıdakı ərazilər ayrılıb:
- Samux rayonu – 11 113.46 hektar
- Yevlax rayonu – 7 000.10 hektar
- Qax rayonu – 5 788.43 hektar
Beləliklə, Axar-Baxar Milli Parkı ümumilikdə 23 901.99 hektar ərazidə təşkil olunur.
İlisu Milli Parkı
Bu park üçün ayrılan ərazilər:
- Zaqatala rayonu – 206.74 hektar
- Qax rayonu – 13 759.26 hektar
Toplam sahə 13 966 hektar təşkil edir. Sərəncama əsasən, Nazirlər Kabinetinə bu qərarın icrası ilə bağlı zəruri tədbirləri həyata keçirmək tapşırılıb.
