Məktəbəqədər təhsil müəssisələrində tərbiyəçi-müəllim vəzifələri üzrə işə qəbul müsabiqəsinin elektron sənəd qəbulu mərhələsinə start verilir. Daylinews-az.com xəbər verir ki, bu barədə məlumatı Məktəbəqədər və Ümumi Təhsil üzrə Dövlət Agentliyi yayıb.
Namizədlər 29 iyul saat 11:00-dan başlayaraq, 4 avqust saat 11:00-dək www.miq.edu.az portalı vasitəsilə qeydiyyatdan keçə biləcəklər.
Müsabiqəyə kimlər müraciət edə bilər?
- Məktəbəqədər təhsil sahəsi üzrə ali və ya orta ixtisas təhsili olan şəxslər;
- Xarici dövlətlərin tanınmış ali təhsil kvalifikasiyasına malik namizədlər.
