Xəbər verildiyi kimi, Azərbaycan Respublikasının Prezidenti İlham Əliyev Tofiq Etibar oğlu Həsənovun ali xüsusi rütbəsindən məhrum edilməsi barədə sərəncam imzalayıb.
Daylinews-az.com-in məlumatına görə, Tofiq Həsənov Naxçıvan Penitensiar Xidmətinin sabiq rəisi olub. O, aprel ayında külli miqdarda rüşvət almaqda təqsirləndirilərək 10 il müddətinə azadlıqdan məhrum edilib.
Naxçıvan Ağır Cinayətlər Məhkəməsində keçirilən məhkəmə prosesində, hakim Hüseyn Məmmədovun sədrliyi ilə Tofiq Həsənovun ədliyyə general-mayoru rütbəsindən və “Vətən uğrunda medalı”ndan mərhum edilməsi barədə qərar çıxarılıb. Bu təqdimat, onun rütbə və təltifini vermiş müvafiq orqanlara göndərilib.
Qeyd edək ki, prokuror Tofiq Həsənov üçün 11 il həbs cəzası tələb etmişdi.
