Kənd Təsərrüfatı Nazirliyinin təşəbbüsü ilə Bakıda balıq yarmarkası təşkil olunub.
Daylinews-az.com-a istinadla bildirir ki, Dərnəgüldə, “EuroHome” tikinti materialları bazarında yerləşən “Keşlə bazarı”nda keçirilən yarmarka üç gün davam edəcək. Burada satışa çıxarılan dəniz məhsulları digər bazarlara nisbətən daha sərfəli qiymətlərlə təqdim olunur.
Yarmarkada dünyanın müxtəlif bölgələrindən gətirilmiş, həmçinin Xəzər dənizindən tutulan balıq və digər dəniz məhsulları ziyarətçilərin ixtiyarına verilir. Təklif olunan məhsullar arasında diri, təzə, dondurulmuş, soyuq və isti hislənmiş, duzlu və ədviyyatlı, həmçinin qurudulmuş balıqlar, kürülər, konservləşdirilmiş məhsullar və digər dəniz məhsulları mövcuddur.
