“Azərbaycan Dəmir Yolları” QSC (ADY) Dünya Azərbaycanlılarının Həmrəyliyi Günü və Yeni il bayramı münasəbətilə 31 dekabr 2025-ci il – 4 yanvar 2026-cı il tarixlərində gücləndirilmiş rejimdə fəaliyyət göstərəcək. Hərəkət təhlükəsizliyi, infrastruktur yoxlamaları və sərnişinlərin vaxtında çatdırılması üçün xüsusi tədbirlər görülür.
Əlavə reyslərin cədvəli
Bayram tələbatı nəzərə alınaraq rayonlararası marşrutlarda əlavə qatarlar təşkil edilir:
- Bakı-Qəbələ-Bakı: 31 dekabr – 4 yanvar hər iki istiqamətdə, Bakıdan 07:30-da, Qəbələdən 19:00-da
- Bakı-Qazax-Bakı: 1, 2, 4 yanvar, Bakıdan 07:45-də, Qazaxdan 16:40-da
- Bakı-Ağstafa-Bakı: 26-31 dekabr və 1-4 yanvar, Bakıdan 08:30-da, Ağstafadan 17:12/17:20-da
- Bakı-Ağdam-Bakı: 31 dekabr və 3 yanvar, Bakıdan 07:10-da, Ağdamdan 18:10-da
Bakı-Balakən-Bakı marşrutunda əlavə vaqonlar qoşulacaq: 30 dekabr Bakıdan 5 vaqon, 1 yanvar 1 vaqon, Balakəndən 2-3 yanvar 1 vaqon. Abşeron dairəvi xətti qeyri-iş günləri cədvəlinə uyğun hərəkət edəcək.
Ənənəvi reyslər də saxlanılır. Biletlər www.ady.az saytından, kassalardan və “ADY Mobile” tətbiqindən alınır. 1822 Əlaqə mərkəzi 24/7 xidmət göstərəcək.
