Müğənni Alsu iş adamı Yan Abramovla boşandıqdan sonra həyatında baş verən dəyişikliklərdən danışıb.
Daylinews-az.com xəbər verir ki, bu barədə Alsu ya verdiyi müsahibədə məlumat verib.
Sənətçinin sözlərinə görə, o, heç vaxt tam müstəqil olmayıb, çünki evliliyə qədər atasının, daha sonra isə ərinin himayəsində yaşayıb. “Mənim üçün bu səhifəni çevirmək və yeni bir yola çıxmaq çox çətin idi. Nəhayət, qərar verdiyim çətin bir addım. Amma məlum oldu ki, mən düşündüyümdən daha güclüyəm. Məndə gizli qüvvələr, yeni nəfəs açıldı. Məlum oldu ki, qadınlar hər şeyi bacarır. Doğrudan da, biz super qızlarıq!” – deyə müğənni öz fikirlərini bölüşüb.
Alsu, həmçinin, musiqinin onun üçün böyük bir enerji mənbəyi olduğunu qeyd edib. “Mənə çoxlu təkliflər gəlir, və özümü müxtəlif istiqamətlərdə sınayıram. Çoxsaylı uçuşlara və səhərə qədər davam edən çəkilişlərə baxmayaraq, iş mənə ilham verir,” – deyə o əlavə edib.
Müğənni, eyni zamanda, gələcək planlarından və musiqi karyerasında yeni layihələrə başlamaq niyyətindən də danışıb. Alsu, şəxsi və peşəkar həyatında yeni bir mərhələyə qədəm qoyduğunu və bu prosesin ona həm çətin, həm də maraqlı təcrübələr yaşatdığını vurğulayıb.
