Avropa Statistika İdarəsinin (Eurostat) yaydığı rəsmi məlumata görə, 2024-cü ilin dördüncü rübünün yekunlarına əsasən, Avropa İttifaqında dövlət borcunun ümumi daxili məhsula (ÜDM) nisbətdə ən yüksək səviyyədə olduğu ölkə Yunanıstandır. Bu göstərici 153.6%-ə çatıb.
İkinci yeri İtaliya tutur — bu ölkədə dövlət borcunun ÜDM-ə nisbəti 135.3%-dir. Üçüncü və dördüncü sıralarda isə müvafiq olaraq Fransa (113%) və Belçika (104.7%) qərarlaşıblar. İspaniyada da bu göstərici 100%-i keçərək 101.8% olub.
Ən az dövlət borcu olan Aİ ölkələri:
- Estoniya — 23.6%
- Bolqarıstan — 24.1%
- Lüksemburq — 26.3%
- Danimarka — 31.1%
- İsveç — 33.5%
Bu ölkələr borc yükünə görə Avropada ən sabit iqtisadi göstəricilərə malik olan dövlətlər kimi qiymətləndirilir.
Avrozona üzrə orta göstəriciyə gəlincə, 2024-cü ilin sonuna olan statistikaya əsasən, dövlət borcunun ÜDM-ə nisbəti 87.4% təşkil edib. Bu, əvvəlki rübdəki 88.1%-lik göstəricidən azdır. Ümumilikdə isə Avropa İttifaqı üzrə bu nisbət 81% səviyyəsində qeydə alınıb.
