Qazaxıstanda AZAL aviaşirkətinə məxsus təyyarənin qəzasından sonra sərnişinlərin xilas olunmasında iştirak edən 19 nəfərdən ibarət qrup dövlət mükafatları ilə təltif olunub. Bu şəxslərə həkimlər, Fövqəladə Hallar Nazirliyinin əməkdaşları, polis işçiləri, Manqistau Regional Elektrik Şəbəkəsi şirkətinin işçiləri və Aktau şəhərinin beynəlxalq hava limanının əməkdaşları daxildir.
Daylinews-Az xəbər verir ki, məlumatı TASS agentliyi yayıb. Manqistau vilayəti administrasiyasının açıqlamasına görə, bölgənin rəhbəri Nurdaulət Qılıbai Qazaxıstan Prezidenti Kasım-Jomart Tokayevin fərmanı əsasında qəhrəmanlara orden və medallar təqdim edib. Bundan əlavə, daha 51 nəfərə Prezidentin təşəkkür məktubu verilib.
