12 mart tarixində ölkə ərazisində hava şəraitinin əsasən sabit olacağı gözlənilir. Bakı və Abşeron yarımadasında buludlu hava üstünlük təşkil edəcək, bəzi yerlərdə duman müşahidə edilə bilər. Yağıntı ehtimalı azdır. Cənub-şərq istiqamətli mülayim külək əsəcək.
Bu barədə Daylinews-Az Milli Hidrometeorologiya Xidmətinə istinadən xəbər yayıb.
Havanın temperaturu paytaxtda gecə saatlarında 3-7, gündüz isə 10-17 dərəcə isti olacaq. Atmosfer təzyiqi normadan bir qədər yüksək – 765 mm civə sütunu təşkil edəcək. Nisbi rütubət gecə saatlarında 70-80%, gündüz isə 60-65% civarında dəyişəcək.
Digər bölgələrdə də hava əsasən yağmursuz keçəcək. Gecə və səhər saatlarında bəzi yerlərdə duman müşahidə oluna bilər. Küləyin istiqaməti şərq tərəfdən olacaq və mülayim sürətlə əsəcək.
Rayonlarda havanın temperaturu gecə 3-8, gündüz isə 18-23 dərəcə arasında dəyişəcək. Dağlıq ərazilərdə isə gecə saatlarında temperatur 3 dərəcə şaxtadan 2 dərəcə istiyə qədər düşə bilər. Gündüz isə 10-15 dərəcə istilik müşahidə olunacaq.
