Fevralın 13-də Bakıda və Abşeron yarımadasında dəyişkən buludlu, bəzi saatlarda tutqun hava müşahidə olunacaq. Günün birinci yarısında bəzi yerlərdə qısamüddətli yağış yağacağı proqnozlaşdırılır. Səhər saatlarında şimal-qərb küləyi əsəcək, günorta isə cənub-şərq küləyi ilə əvəz olunacaq.
Bu barədə Daylinews-Az Milli Hidrometeorologiya Xidmətinə istinadən xəbər verir. Bakıda və Abşeron yarımadasında:
- Gecə: 1-3° isti
- Gündüz: 3-6° isti
- Atmosfer təzyiqi 771 mm civə sütunundan 767 mm-ə enəcək
- Nisbi rütubət 70-80% olacaq
Bölgələrdə hava şəraiti
Əksər rayonlarda yağış gözlənilmir. Lakin şərq rayonlarında gecə və səhər saatlarında arabir yağış yağacağı ehtimal edilir. Dağlıq ərazilərdə duman müşahidə olunacaq, mülayim qərb küləyi əsəcək.
- Gecə: -2° ilə +3° arası
- Gündüz: 5-10° isti
- Dağlıq ərazilərdə gecə: -11° ilə -16° arası
- Dağlıq ərazilərdə gündüz: 0-5° şaxta
Yollar buz bağlaya bilər
Gecə və səhər saatlarında bəzi dağlıq rayonlarda yollarda buzlanma gözlənilir.
14 fevral üçün XƏBƏRDARLIQ
Sabahdan hava şəraitində ciddi dəyişiklik gözlənilir: yağış və qar yağacaq.
- 14 fevralda Bakıda və Abşeron yarımadasında yağış yağacaq, bəzi yerlərdə intensiv olacaq.
- 13-15 fevral tarixlərində ölkənin əksər bölgələrində yağış, dağlıq və dağətəyi rayonlarda isə qar gözlənilir.
- Naxçıvan, Qarabağ və Şərqi Zəngəzur, Balakən-Şəki, Dağlıq Şirvan, Mərkəzi Aran və Lənkəran-Astara bölgələrində yağıntılar intensiv ola bilər.
- Havanın temperaturu 4°-dək enəcək.
- Çaylarda suyun səviyyəsinin artacağı, dağlıq ərazilərdə yolların buz bağlayacağı gözlənilir.
