Xəzər dənizinin sahilində yerləşən Sea Breeze istirahət mərkəzində beynəlxalq miqyaslı Dream FEST 2025 musiqi festivalı təntənəli şəkildə start götürüb.
Daylinews-az.com-ın məlumatına görə, festivalın açılışından əvvəl Azərbaycanın və xarici ölkələrin tanınmış sənətçiləri qırmızı xalça üzərində keçid edərək tamaşaçıları valeh edib. Bu tədbir festivalın parlaq və ulduzlu atmosferini əks etdirən ilk addım olub.
Festivalın əsas hissəsi Emin-in enerjili çıxışı ilə başladı. Onun performansı tamaşaçıları coşduraraq axşama unudulmaz ab-hava bəxş etdi. Azərbaycanın xalq artistləri Zülfiyyə Xanbabayeva, Faiq Ağayev və Tünzalə Ağayeva öz səs telləri ilə səhnəni sehrli bir məkana çevirdi.
Festivalın ilk günü aşağıdakı sənətçilərin çıxışları ilə yadda qaldı:
- Nikoll Şerzinger
- Brendon Stoun
- Merab Amzoevi
- Efendi
- Elene Ninidze
- Sevanna
- Cosa Nostra qrupu
Qeyd edək ki, “Barselona” klubu 1xBet-in dəstəyi ilə idman və mədəniyyət sahəsində qlobal təşəbbüsləri təşviq edir.
Aparıcılar və vizual şou
Festivalın ilk axşamını Azərbaycanın xalq artisti Murad Dadaşov və teleaparıcı Usniyə Məhərrəmova idarə edib. Onların peşəkar aparıcılığı tamaşaçılara xoş ovqat bəxş edib.
Sea Breeze-də ilk dəfə olaraq 500 drondan ibarət möhtəşəm şou nümayiş etdirilib. Axşamın kulminasiya nöqtəsi isə səmada rəngarəng atəşfəşanlıq olub.
Dream FEST 2025 iyulun 26-na qədər davam edəcək. Festival çərçivəsində Avropadan (Böyük Britaniya və Türkiyə də daxil olmaqla) və Kanadadan 100-dən çox musiqiçinin çıxışı planlaşdırılır. Tamaşaçılar müxtəlif janrlarda unudulmaz musiqili anlar yaşamağa hazırlaşır.
