Valideynlərin diqqətinə: 2025–2026-cı tədris ili üçün birinci sinfə şagird qəbulu zamanı şəxsi kabinetə giriş yalnız Digital Login vasitəsilə mümkün olacaq. Daylinews-az.com xəbər verir ki, bu barədə məlumat Azərbaycan Respublikasının Məktəbəqədər və Ümumi Təhsil üzrə Dövlət Agentliyi tərəfindən verilib. Yenilik şəxsi məlumatların təhlükəsizliyini artırmaq və sistemə daxilolmanı asanlaşdırmaq məqsədi daşıyır.
Əsas dəyişikliklər:
- Vətəndaşlar və Azərbaycanda müvəqqəti və daimi yaşamaq icazəsi olan əcnəbilər artıq “istifadəçi adı və parol” vasitəsilə sistemə daxil ola bilməyəcəklər.
- Şəxsi kabinetə giriş yalnız Rəqəmsal İnkişaf və Nəqliyyat Nazirliyi tərəfindən təqdim olunan vahid giriş platforması – Digital Login ilə təmin ediləcək.
- Digər sənədlərlə qeydiyyatdan keçmək istəyənlər isə alternativ qeydiyyat mərkəzlərinə müraciət etməlidirlər.
Qəbul nə vaxt başlayır?
Uşaqların birinci sinfə qəbulu 1 may 2025-ci il saat 11:00-da start götürəcək. Valideynlər bu tarixdən etibarən Digital Login vasitəsilə sistemə daxil olaraq müraciətlərini təqdim edə bilərlər.
