Azərbaycanda pop-mədəniyyətin ən böyük təcrübəsi “Comic Con Baku 2025” festivalı ilk dəfə gerçəkləşəcək.
Daylinews-az.com xəbər verir ki, festival Bakı Konqres Mərkəzində təşkil olunacaq və dünyaca məşhur “Comic Con” fenomenini ölkəmizə gətirəcək. Tədbir komiks, anime, kino, oyunlar, kospley və Asiya mədəniyyətini bir araya gətirərək milyonlarla fanatı bir platformada birləşdirir. Biletlər artıq satışdadır və onları rəsmi sayt və iTicket kassalarından əldə etmək mümkündür.
Baş ulduz: Ross Mullan
Festivalın əsas qonağı Ross Mullan olacaq. O, “Game of Thrones” və “Doctor Who” kimi məşhur franşizalarda rol alıb və ikon obrazları ilə tamaşaçıları həmin dünyaların sehrinə aparacaq. Foto və avtoqraf sessiyalarında onunla unudulmaz anlar yaşamaq mümkün olacaq.
Digər qonaqlar və proqram
Festivalda həmçinin bir sıra digər xarici qonaqlar da iştirak edəcək. Tədbir iştirakçılara müxtəlif imkanlar təqdim edəcək:
- Baş ulduz və qonaqlarla görüş, foto və avtoqraf imkanı
- Yerli bloqerlər, aktyorlar və rəssamlarla ünsiyyət
- Kospley şoular və K-pop rəqs müsabiqəsi
- Həvəskar kospley müsabiqəsində iştirak
- “Yaradıcı Gənclər Forumu 2025”
- VR, konsol, stolüstü və kompüter oyunları
- Fandom məhsulları yarmarkası
VIP biletlər
VIP biletlərə sahib olanlar aşağıdakı üstünlüklərə malik olacaqlar:
- Öncədən giriş və ön sıralar
- Baş ulduzla yalnız VIP-lərə özəl görüş və avtoqraf sessiyası
- Eksklüziv “merch” və forum üçün prioritet giriş
Kospleyinizi hazırlayın, dostlarınızı çağırın və ilin ən böyük pop-mədəniyyət tədbirinə qatılın! Biletlər məhduddur – fürsəti qaçırmayın!
