Azərbaycan Dövlət Milli Gənc Tamaşaçılar Teatrının aktyoru, əməkdar artist Vahid Əliyev vəfat edib. Bu barədə məlumat teatrın rəsmi qaynağından bildirilib.
Vahid Əliyev bir neçə il əvvəl infarkt keçirmiş və daha sonra əməliyyat olunmuşdu. O, 7 fevral 1952-ci ildə Tovuz rayonunda anadan olub. 1974-cü ildə M.A.Əliyev adına Azərbaycan Dövlət İncəsənət İnstitutunun “Dram və kino aktyorluğu” fakültəsini bitirib.
1975-ci ildən etibarən Azərbaycan Dövlət Milli Gənc Tamaşaçılar Teatrında aktyor kimi fəaliyyət göstərən Vahid Əliyev, 2011-ci ilin mayında Əməkdar artist fəxri adına layiq görülüb.
Onun vəfatı Azərbaycan incəsənət ictimaiyyətində böyük kədər yaradıb.
