Pekində aprelin 23-də imzalanan “Azərbaycan ilə Çin arasında ümumvətəndaş pasportlarına malik vətəndaşların vizadan qarşılıqlı azad edilməsi haqqında Saziş” iyulun 16-da qüvvəyə minir. Daylinews-az.com xəbər verir ki, bu barədə Azərbaycan Xarici İşlər Nazirliyi məlumat yayıb.
Sazişin əsas şərtləri:
- Azərbaycan və Çin vətəndaşları üçün ümumvətəndaş pasportları ilə hər iki ölkəyə daxil olmaq, tərk etmək və tranzit keçmək hüququ veriləcək.
- Hər bir səfər müddəti 30 gündən çox olmamalıdır, həmçinin 180 gün ərzində ümumilikdə 90 gün müddətində vizasız qalmaq mümkündür.
Sazişin qüvvəyə minməsi üçün dövlətdaxili prosedurlar artıq tamamlanıb.
