Bazar günü Günəşdə son dərəcə güclü — X sinfinə yaxın alışma qeydə alınıb. Bu barədə məlumatı Rusiya Tətbiqi Geofizika İnstitutuna (TGGİ) istinadən Daylinews-az.com yayıb.
M9.0 gücündə partlayış: Yerə təsir mümkündür
Tətbiqi Geofizika İnstitutunun açıqlamasına görə, 25 may saat 19:30-da Moskva vaxtı ilə (Bakı vaxtı ilə 20:30) Günəşin aktiv ləkələr qrupunda rentgen diapazonunda M9.0 gücündə alışma qeydə alınıb. Bu partlayış 28 dəqiqə davam edib və S14E73 koordinatlarında baş verib. Bundan əlavə, həmin gün iki M sinifli və bir X sinifli daha alışma müşahidə olunub.
Günəş alışmaları necə təsnif olunur?
Günəş alışmaları gücünə görə rentgen şüalanmasının səviyyəsinə əsaslanaraq beş sinfə bölünür: A, B, C, M və X.
- A0.0 minimal sinif sayılır və Yer orbitində 10 nanovat/kv.m gücündə radiasiyaya uyğundur.
- Hər növbəti sinfə keçdikdə şüalanma 10 dəfə artır.
- X sinfi – ən yüksək səviyyəli alışmalardır və çox zaman Günəş plazmasının kütləvi atılması ilə müşayiət olunur.
Bu plazma buludları Yerə çatdıqda maqnit qasırğalarına səbəb ola bilər. Bu isə öz növbəsində rabitə sistemlərinə, peyklərə və hətta elektrik şəbəkələrinə təsir göstərə bilər.
