Milan və Kortina-d’Ampezzoda (İtaliya) baş tutacaq 2026-cı il Qış Olimpiya Oyunlarının təşkilatçıları yarışların rəsmi medallarını təqdim ediblər. Bu barədə məlumatı Milli Olimpiya Komitəsi (MOK) yayıb. “Mükafatların dizaynı iki hissəni simvollaşdırır: biri — idmançının zirvəyə gedən şəxsi yolu, digəri — onunla bu yolda birgə olan insanların — məşqçilərin, ailə üzvlərinin və azarkeşlərin dəstəyini. Bu, birliyin, komandanın və gücün simvoludur”, – deyə MOK-un məlumatında bildirilir.
Qeyd edilir ki, hər bir medal Milan-Kortina-2026-nın əsl sənət əsəri olacaq. “Medallar İtaliya Dövlət Zərbxanası və Mətbəəsi tərəfindən təkrar emal olunmuş metal, bərpa olunan enerji və ekoloji qablaşdırma ilə hazırlanacaq”, – deyə əlavə olunub.
2026-cı il Qış Olimpiya Oyunları 6–22 fevral tarixlərində keçiriləcək və idmançılar 16 olimpiya idman növü üzrə 195 medal uğrunda mübarizə aparacaqlar.
