İspaniyanın məşhur Marca nəşrinin apardığı araşdırmaya əsasən, Avropanın aparıcı futbol klublarının formadakı reklam və sponsorluq müqavilələrindən əldə etdiyi gəlirlərin reytinqi açıqlanıb.
Bu siyahı hazırlanarkən aşağıdakı göstəricilər nəzərə alınıb:
- Texniki sponsorların ödənişləri
- Baş sponsorun (formanın ön hissəsindəki loqo) ödədiyi məbləğ
- Qol hissəsində yerləşən reklamlardan gəlirlər
Lider: “Real Madrid”
İspaniyanın nəhəng klubu “Real Madrid” bu sahədə ən çox gəlir əldə edən klubdur. Klubun forma sponsorlardan illik gəliri təxminən 260 milyon avrodur:
- Adidas texniki sponsor kimi illik 120 milyon avro ödəyir;
- Baş sponsor və qol reklamları üzrə isə 70 milyon + 70 milyon avro gəlir əldə olunur.
Premyer Liqa təmsilçiləri ilk üçlükdə
İngiltərənin iki nəhəngi ilk üçlükdə qərarlaşıb:
2. “Mançester Siti” – 210.5 milyon avro
3. “Mançester Yunayted” – 200 milyon avro
İlk “onluqda” daha kimlər var?
Formadan sponsorluq gəlirləri milyonlarla avro təşkil edən digər klublar bunlardır:
- “Barselona”
- PSJ (klubun baş sponsorlarından biri 1xBet-dir)
- “Arsenal”
- “Bavariya”
- “Liverpul”
- “Borussiya Dortmund”
Bu klublar həm texniki tərəfdaşlıq müqavilələri, həm də formadakı loqotiplər vasitəsilə böyük maliyyə imkanlarına sahibdirlər.
