Kürdəmir rayonunun Cəyli kəndində kütləvi zəhərlənmə hadisəsi qeydə alınıb.
Daylinews-az.com-un “Report”a istinadən verdiyi məlumata görə, hadisə kənd sakinlərinin qohumlarla birgə evdə yemək yeməsindən sonra baş verib. Yeməkdən qısa müddət sonra səkkiz nəfərin səhhəti qəfildən pisləşib. Zəhərlənənlərdən ikisi azyaşlıdır.
Zəhərlənən şəxslər:
- Əli Coşqun oğlu Xəlilov (2020-ci il təvəllüdlü)
- Ömər Coşqun oğlu Xəlilov (2013-cü il təvəllüdlü)
- Asudə Əşrəf qızı Şükürova (1986-cı il təvəllüdlü)
- Famil Habil oğlu Şükürov (1997-ci il təvəllüdlü)
- Şamama Əjdər qızı Şükürova (1974-cü il təvəllüdlü)
- Şəbnəm Qabil qızı Şükürova (2008-ci il təvəllüdlü)
- Şəlalə Habil qızı Şükürova (1994-cü il təvəllüdlü)
- Qabil İsgəndər oğlu Şükürov (1977-ci il təvəllüdlü)
Zərərçəkənlər dərhal təcili tibbi yardım briqadası tərəfindən Kürdəmir Rayon Mərkəzi Xəstəxanasına çatdırılıb və ilkin tibbi yardım göstərilib. Həkimlər onların vəziyyətini orta ağır kimi qiymətləndirirlər.
Əlavə məlumat: Bir neçə gün əvvəl Kürdəmirin Xırdapay kəndində hərbi xidmətə yolasalma mərasimində 24 nəfər, o cümlədən altısı azyaşlı, qida zəhərlənməsi ilə xəstəxanaya müraciət etmişdi.report.az
