Rus aktyoru Mixail Yefremov koloniyadan şərti azadlığa buraxıldıqdan sonra film çəkilişləri üçün günlük 2,5 milyon rubl (təxminən 50 300 manat) qonorar alacaq.
Bu barədə prodüser Yevgeni Morozov kp.ru saytına açıqlamasında məlumat verib.
Yefremovun qayıdışı — böyük pulla
“May ayında Mixaíl üçün ilk çəkiliş planlaşdırılıb. Günlük qonorar artıq təsdiqlənib – 2 500 000 rubl. Bu məbləğ Rusiyada ən yüksək qonorar alan aktyorlar — Dmitri Naqiyev və Sergey Burunovun məvaciblərini xeyli üstələyir. Onlar gündə təxminən 1 200 000 rubl alırlar. Göründüyü kimi, Yefremovun qonorarı iki dəfə çoxdur”, – deyə Morozov bildirib.
Azadlıqdan sonra ilk layihə
Xatırladaq ki, 2025-ci ilin fevralında Mixail Yefremov şərti olaraq vaxtından əvvəl azadlığa çıxmaq üçün müraciət etmişdi. Koloniya rəhbərliyi ilə söhbətində o, sağlamlıq problemləri və cəzaçəkmə müəssisəsində mütəmadi iş fəaliyyəti ilə bağlı məlumat vermişdi. Yefremov orada məhbus formaları tikilən sexdə çalışırdı.
24 mart 2025-ci ildə Belqorod vilayətinin Alekseev rayon məhkəməsi onun UDO (şərti azadlıq) müraciətini təmin edib. Yeni azad edilmiş aktyor hər ay xüsusi orqanda qeydiyyatdan keçməlidir. Avtomobil idarə etmək hüququnu isə yalnız üç ildən sonra geri qazana biləcək.
