Fövqəladə Hallar Nazirliyi (FHN) əhalinin təhlükəsizliyinin təmin olunması və fövqəladə hadisələrin qarşısının alınması istiqamətində fəaliyyətini davam etdirir.
Daylinews-az.com-un FHN-ə istinadla verdiyi məlumata əsasən, ötən həftə ərzində Nazirliyin “112” qaynar xəttinə daxil olan zənglər əsasında həyata keçirilən əməliyyatlar nəticəsində:
- 940 yanğına çıxış,
- 67 nəfərin köməksiz vəziyyətdə qalması,
- 3 yol-nəqliyyat hadisəsi üzrə qəza-xilasetmə tədbirləri həyata keçirilib.
FHN-in operativ müdaxiləsi nəticəsində yanğınlar vaxtında söndürülüb, insanların həyatının qorunması təmin olunub.
Həftə ərzində ümumilikdə:
- 71 nəfər, o cümlədən 16 azyaşlı xilas edilib
- 22 nəfər (7-si azyaşlı olmaqla) təxliyə olunub
- 11 nəfər tüstüdən zəhərlənib
- 12 nəfərin meyiti aidiyyəti üzrə təhvil verilib
- 16 nəfər dənizdə batma təhlükəsindən xilas olunub
Fövqəladə Hallar Nazirliyi əhaliyə təhlükəsizlik qaydalarına riayət etməyi və zərurət yarandıqda “112” qaynar xətti ilə əlaqə saxlamağı tövsiyə edir.
