Bu gün – 28 May Müstəqillik Günü münasibətilə Azərbaycan Respublikasının Prezidenti İlham Əliyev sosial şəbəkə hesablarında paylaşım edib.
Daylinews-az.com xəbər verir ki, dövlət başçısı paylaşımında xalqı Müstəqillik Günü münasibətilə təbrik edib və bu əlamətdar günün önəmini vurğulayıb. Paylaşımda Azərbaycanın dövlətçilik tarixinin şərəfli səhifələrinə və müasir müstəqillik mərhələsində qazanılmış uğurlara işarə olunub.
Leyla Əliyevadan təbrik mesajı
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva da öz sosial media hesabında 28 May – Müstəqillik Günü münasibətilə paylaşım edib. Təbrik mesajında deyilir:
“Azərbaycan Respublikasının Müstəqillik Günü mübarək!”
Qeyd edək ki, bu gün – 28 may 1918-ci ildə Azərbaycan Xalq Cümhuriyyəti elan edilmiş və ölkəmizin ilk müstəqil dövlətçilik əsasları qoyulmuşdur. 1991-ci ildə SSRİ-nin süqutu ilə Azərbaycan müstəqilliyini bərpa etmiş və 28 May rəsmi dövlət bayramı kimi qeyd olunmağa başlanmışdır.
