Azərbaycanın aparıcı klublarından olan “Qarabağ” UEFA Çempionlar Liqasının 2-ci təsnifat mərhələsindəki rəqibini öyrənib.
Daylinews-az.com xəbər verir ki, ağdamlıların rəqibi İrlandiyanın “Shelbourne” klubu olacaq. Bu komanda əvvəlki mərhələdə Şimali İrlandiyanın “Linfield” kollektivini mübarizədən kənarlaşdırıb. İlk görüşdə 1:0 hesablı qələbə qazanan “Shelbourne”, cavab matçında 1:1 bərabərliklə turu keçib.
“Qarabağ” bu mərhələdə ilk oyununu 23 iyulda səfərdə keçirəcək — görüş 22:45-də start götürəcək. Cavab qarşılaşması isə 30 iyulda Bakıda, 20:00-da baş tutacaq.
