Rumıniyada 5.5 bal gücündə güclü zəlzələ qeydə alınıb.
Avropa-Aralıq dənizi Seysmoloji Mərkəzinin məlumatına görə, zəlzələnin episentri Nehoyu şəhərinin 17 kilometr şimal-şərqində yerləşib. Bu ərazidə təxminən 11 minə yaxın insan yaşayır. Yeraltı təkanlar 137 kilometr dərinlikdə baş verib.
Hazırda insan itkisi və ya ciddi dağıntılarla bağlı heç bir məlumat yoxdur. Maraqlıdır ki, zəlzələ təkcə Rumıniyada deyil, hətta Ukraynada da hiss olunub, xüsusilə ölkənin qərb bölgələrində bəzi insanlar zəif təkanları qeydə alıblar.
