Son zamanların parlaq ulduzlarından olan Sıla Türkoğlu böyük bir tekstil brendinin reklam kampaniyasında çəkilməyə razılıq verib və bu işin müqabilində 10 milyon türk lirəsi (təxminən 413 min manat) qonorar əldə edib. Bu məlumatı “Daylinews” və digər məşhur türk KİV-ləri yayıb.
Sıla Türkoğlu hazırda çox sevilən “Kızılcık Şerbeti” serialında baş rolda yer alır və burada göstərdiyi performansla tamaşaçıların rəğbətini qazanır. Aktrisanın bu qədər yüksək qonorar almasının səbəbi onun populyarlığının sürətlə artması və bazarda çox dəyərli sima kimi tanınmasıdır.
Reklam kampaniyasından əlavə, Sıla Türkoğlu şəxsi həyatında da xoş günlər yaşayır. Məşhur aktrisa uzun müddətdir birgə olduğu iş adamı Ata Ayyıldızdan sürpriz şəkildə evlilik təklifini qəbul edib. Onların münasibəti sosial mediada geniş maraq doğurur və tez-tez birlikdə səyahətlərə çıxırlar.
Reklam filmi və iş həyatında qazandığı böyük uğur onun sənaye və moda sektorunda da önəmli sima olmağa davam etdiyini göstərir. Sıla həm aktyorluq, həm də kommersiya layihələri ilə karyerasını yüksəldir və türk televiziya sənayesinin ən nüfuzlu adlarından birinə çevrilir.
