ABŞ-ın Vaşinqton ştatında yaşanan dəhşətli hadisə bütün ölkədə rezonans doğurub. 5, 8 və 9 yaşlı üç bacının cəsədi, 30 may tarixində ataları ilə görüşdükdən sonra yoxa çıxmaları nəticəsində başlayan axtarışdan sonra tapılıb.
Daylinews-az.com xəbər verir ki, New York Post-a istinadla yayılan məlumatda uşaqların cəsədlərinin atasına məxsus yaşayış furgonunun yaxınlığında tapıldığı qeyd olunur. Avtomobil Sietldən təxminən 3 saatlıq məsafədə aşkarlanıb.
Ata – əsas şübhəli
Travis Dekker adlı ata hadisədə əsas şübhəli şəxs elan olunub. Polis onun birinci dərəcəli üçqat qətl və birinci dərəcəli adam oğurluğu maddələri ilə ittiham olunduğunu bildirib.
Hazırda Dekkerin axtarışları davam edir və hüquq-mühafizə orqanları onun cəmiyyət üçün təhlükəli şəxs olduğunu vurğulayır. Onun ABŞ ordusunda hərbi keçmişi, yüksək fiziki hazırlığı var, bu da onun tutulmasını çətinləşdirir.
Psixoloji problemlər faciəyə səbəb olub?
Dekkerin keçmiş həyat yoldaşı hüquq-mühafizə orqanlarına bildirib ki, o, psixi pozuntu diaqnozu alıb və son dövrlər dərman müalicəsini və terapiyanı dayandırıb. Mütəxəssislər bu vəziyyətin faciəyə gətirib çıxaran amillərdən biri olduğunu hesab edirlər.
