Əgər arıqlamaq istəyirsinizsə, ac qalmağa və sərt pəhrizlərə ehtiyac yoxdur. Sadəcə düzgün qidaları seçmək kifayətdir. Bir çox meyvə və tərəvəzlər həm faydalıdır, həm də az kalorili olduqları üçün arıqlamağa kömək edirlər.
Müasir dietologiyaya görə, enerjisi 100 qramda 100 kilokaloridən az olan məhsullar aşağı kalorili sayılır. Onlar orqanizmi lazımi qidalarla təmin edir, amma yağ yığılmasına səbəb olmur. Bu siyahıda öndə gedən bəzi məhsulları təqdim edirik.
Ən az kalorili qidalar
Brokoli – 34 kkal/100 q
Vitamin C, B2, B6, dəmir, maqnezium və sinklə zəngin olan bu yaşıl tərəvəz, həm doyurucudur, həm də piylənməyə yol vermir. Brokoli, bu səbəbdən sağlam pəhrizlərin əvəzolunmaz hissəsidir.
Gül kələmi – 28 kkal/100 q
Ağ, yaşıl və bənövşəyi rənglərdə tapılan gül kələmi kalsium, karotin və digər minerallarla zəngindir. Yüngül, lakin qidalı seçimdir.
Bibər – 23 kkal/100 q
Bibər C vitamini, maqnezium və kaliumla zəngindir. Güclü antioksidant təsiri var və qəlyanaltı üçün ideal seçimdir.
Rukkola – 30 kkal/100 q
İstər salatlarda, istər tək halda – rukkola həm dadlıdır, həm faydalı. Tərkibində C vitamini, dəmir və kalium çoxdur. Həm də xərçəng əleyhinə təsiri olan maddələr daşıyır.
Pomidor – 18 kkal/100 q
Su ilə zəngin pomidor likopin adlı antioksidant ehtiva edir. Bu maddə iltihabı azaldır və orqanizmin müdafiəsini gücləndirir.
Qarpız – 30 kkal/100 q
95%-i sudan ibarət olan qarpız həm susuzluğu aradan qaldırır, həm də az kalorilidir. Vitamin A və C ilə zəngin olduğu üçün həm də dəri və immunitetə müsbət təsir göstərir.
Yaşıl noxud – 69 kkal/100 q
Dəmir və sinklə zəngin olan noxudun yüngül şirin dadı var. Omelet, makaron və tərəvəz yeməklərinə çox yaraşır.
Kələm – 25-40 kkal/100 q (növündən asılı olaraq)
Kələm bağırsaq üçün faydalı liflərlə və C vitamini ilə zəngindir. Qara ciyəri təmizləyir, immun sistemini gücləndirir və arıqlama prosesini sürətləndirir.
Kalorisi az olan qidalarla pəhriz saxlamaq daha asandır və sağlamlıq üçün risk yaratmır. Bu məhsulları qida rasionunuza daxil etməklə həm toxluq hissini qoruyar, həm də arıqlamağı asanlaşdırarsınız.
