Dünyanın ən tanınmış kriptovalyutası olan Bitcoin iyun ayından bəri birinci dəfə olaraq 100 min dollar həddinin altında ticarətə çıxıb. Bu azalmanın əsas səbəbi isə ABŞ Federal Ehtiyat Sisteminin (FED) faiz dərəcələrini endirməyə hələ tələsməməsi və texnologiya sektorundakı yüksək qiymətləndirmələrlə bağlı artan narahatlıqlardır.
CoinMarketCap məlumatlarına əsasən qlobal kriptovalyuta bazarının ümumi dəyəri son 24 saat ərzində 6,5 faiz azalararaq 3,31 trilyon dollara düşüb. Bitcoin isə 5,8 faizdən çox ucuzlaşaraq 23 iyun tarixindən sonra ilk dəfə 100 min dollar səviyyəsinin altına enib və hazırda təxminən 100,768 dollarda qiymətləndirilir.
Ekspertlər bildirirlər ki, investorlar FED-in gələcək qərarlarını böyük ehtiyatla izləyir. Xüsusilə də Asiya bazarlarında mümkün olan qiymət korreksiyaları ilə bağlı xəbərdarlıqlar güclənib.
Kriptovalyuta bazarında ikinci ən böyük valyuta olan Ethereum da bu dalğalanmadan təsirlənib. Onun qiyməti 10 faiz azalararaq 3,210 dollara qədər düşüb.
Analitiklər sözügedən dəyişiklikləri həm qlobal iqtisadi qeyri-müəyyənlik, həm də risklərdən qaçmağa çalışan investorların artan mövqeyi ilə əlaqələndirirlər.
