Gəncə İdman Sarayında böyüklər arasında təşkil olunan 14-cü Avropa aerobika gimnastikası çempionatı başlayıb. Yarışda gimnastlar fərdi, üçlük, qrup, qarışıq cütlük və aerodans proqramlarında çıxış edirlər.
Yarışın ilk iki günü təsnifat mərhələsi kimi keçiriləcək, sonuncu gün isə mükafatçıların müəyyən olunması məqsədilə final görüşləri təşkil olunacaq. Açılış mərasimində iştirak edən iştirakçı ölkələrin bayraqları nümayiş etdirilib.
Gəncə Şəhər İcra Hakimiyyətinin başçısı Niyazi Bayramov və Avropa Gimnastikası Federasiyasının vitse-prezidenti Edvard Kolar çıxış edərək yarışın əhəmiyyətini vurğulayıblar. Sonra Nizami Gəncəvinin əzəmətli əsərlərinə həsr olunmuş “Nizami xəzinəsi” adlı bədii hissə nümayiş olunub.
Açılış mərasimindən sonra gimnastlar fərdi proqram üzrə ilk çıxışlarını ediblər. Çempionat noyabrın 16-da yekunlaşacaq.
