Almaniyada ultra-sağçı “Almaniya üçün Alternativ” (AfD) partiyası ilk dəfə Türihginya əyalətində keçirilən yerli seçkilərdən sonra aparıcı siyasi qüvvə ola bilər. Eyni zamanda Saksoniyada, “AfD” partiyası Xristian Demokratik Birliyindən bir qədər geri qalır, bu barədə Spiegel nəşri yazır.
Qeyd edilir ki, səs vermək hüququ olan 1,7 milyon seçici saat 18:00-a qədər səs verə bilib. ARD kanalının ilkin proqnozlarına görə, Federal Konstitusiyanın Mühafizəsi İdarəsi tərəfindən açıq-aşkar ultra-sağçı kimi təsnif edilən AfD partiyası 30,5% səslə qalib gəlir. Xristian demokratlar isə 24,5% səslə ikinci yeri tutublar.
Mövcud baş nazir Bodo Ramelovun rəhbərlik etdiyi solçular 12,5% səslə dördüncü yerə eniblər. 2019-cu illə müqayisədə onlar səslərinin yarıdan çoxunu itiriblər. Eyni zamanda, ekzit-pollara görə, ultra-solçu və Rusiya tərəfdarı hesab edilən “Sara Vagenknecht İttifaqı” (BSW) 16%-ə qədər səs toplayaraq üçüncü yeri tutub.
Almaniya kansleri Olaf Şoltsun partiyası 7% səs toplayacaq. Yaşıllar partiyası və FDP isə müvafiq olaraq 4% və 1,3% səs topladıqları üçün əyalət parlamentinə düşməyəcəklər.
Saksoniyada isə vəziyyət bir qədər fərqlidir, burada baş nazir olan Mixael Kreçmer Ukraynaya hərbi yardımın dayandırılmasına çağırmışdı. Onun partiyası CDU, AfD-dən az bir üstünlüklə öndədir.
Infratest dimap institutunun məlumatlarına görə, bazar günü keçirilən seçkilərdə CDU 31,5%, AfD isə 30,0% səs toplayıb.
