Soyuq mövsüm – isti kakao, sevimli seriallar və yun corablar vaxtıdır. Amma eyni zamanda bu, evi isti saxlamaq üçün maaşın yarısını xərcləmək istəmədiyimiz dövrdür.
Enerji qiymətləri durmadan artır, amma evdə rahat və isti yaşamaq arzusu heç yerə getmir. Xoşbəxtlikdən, Woman&Home nəşri 14 sadə və sınaqdan keçmiş məsləhət hazırlayıb ki, radiatorları maksimuma qaldırmadan evi daha isti etmək mümkün olsun.
- Mebelləri düzgün yerləşdirin
Bəzən soyuq hiss etməyimizin səbəbi temperatur deyil, mebellərin yanlış qoyulmasıdır. Divan və ya şkaf radiatoru örtürsə, isti hava “sıxışıb qalır”. Radiatorla böyük mebellər arasında ən azı 30 sm boşluq buraxın. Yatağı isə xarici deyil, daxili divara yaxın qoyun – belə daha az soyuyacaq. - Tekstildən istifadə edin
Pledlər, yastıqlar, xalçalar – bu, yalnız dekor deyil, əlavə isti qatdır. Qonaq otağında “isti səbət” yaradın: içində bir neçə pled olan səbət ki, axşam serialına baxanda üstünüzə örtə biləsiniz. Oksimit, flis və ya pambıq kimi yumşaq materiallar seçin. - Sobadan qalan istidən faydalanın
Yemək bişirdikdən sonra soba qapısını dərhal bağlamayın. Qapını açıq buraxın ki, qalan isti hava mətbəxi qızdırsın. Əsas odur ki, uşaqlar və ev heyvanları yaxında olmasın. - Döşəməni izolyasiya edin
Döşəmə taxtaları arasındakı kiçik çatlar belə soyuq keçirir. Tikinti mağazalarında satılan çat doldurucuları istifadə edin və ya yun xalça sərin. Yun həm isti saxlayır, həm də otaqdakı rütubəti tənzimləyir. - Xalça sərin
Kiçik xalça belə “isti yastıq” effekti yaradır. Plitə və ya laminat döşəmə üçün əla seçimdir. Təbii materiallardan olan xalçalar həm isti, həm də interyerə yumşaqlıq qatır. - Axşam pərdələri bağlayın
Pəncərələrdən ev istiliyinin 30%-ə qədəri çıxır. Gün batan kimi pərdələri bağlayın. Buludlu günlərdə bağlı saxlayın, günəşli günlərdə isə açın ki, gün işığı otağı qızdırsın. - İşləməyən kaminı bağlayın
Aktiv olmayan kamin belə hava axını yarada bilər. Əgər yandırmırsınızsa, içərisinə yumşaq yastıq və ya xüsusi tıxac qoyun. Həm də dekorativ variantlar var – yun tıxaclar hava axınını kəsir, amma minimal ventilyasiya saxlayır. - Pəncərələri izolyasiya edin
Çərçivədən hava keçirsə, bu, siqnaldır. Özü yapışan izolyasiya lenti və ya silikon hermetikdən istifadə edin. 15 dəqiqəlik iş və evdə “külək” hissi yox olacaq. - Bütün çatları bağlayın
Təkcə pəncərələr deyil, ventilyasiya dəlikləri, aspiratorlar, qapılar, xarici divardakı rozetkaları da yoxlayın. Montaj köpüyü, kauçuk hermetik və ya adi silikon kömək edəcək. Bu, həm istilik itkisini azaldır, həm də həşəratların girişini çətinləşdirir. - Qapılara izolyator qoyun
Soyuq hava çox vaxt aşağıdan gəlir. Porolon və ya yapışqan izolyasiya lenti, yaxud qapı altına tekstil “ilan” qoyun. Köhnə dəsmalın bükülüb qapı altına qoyulması da büdcə variantıdır. - Qapıya ağır pərdə asın
Giriş qapısı yaxınlığında həmişə soyuqdursa, termoaltlıq və ya oksimit ağır pərdə asın. Bu, soyuğu saxlayır və interyerə zəriflik qatır. - İstifadə etmədiyiniz otaqların qapılarını bağlayın
Bütün evi qızdırmağa ehtiyac yoxdur. Yalnız istifadə etdiyiniz otaqları qızdırın – qapıları bağlı saxlayın ki, isti orada qalsın. - Ventilyatordan istifadə edin
Kamin və ya soba varsa, yaxınına kiçik ventilyator qoyun. O, isti havanı bərabər paylayacaq. Hətta elektrik olmadan işləyən xüsusi soba ventilyatorları da var – yalnız isti hava ilə hərəkətə gəlir. - Radiatorları tənzimləyin
Bəzən radiator yalnız aşağı hissədə isti olur, yuxarıda soyuq qalır – bu, hava tıxacı deməkdir. Xüsusi açarla və ya klapanla havanı buraxın. Bundan sonra isti hava bərabər yayılacaq və radiator daha effektiv işləyəcək.
Pulsuz isti saxlama üsulları
- Radiator arxasına folqa qoyun – isti divara deyil, otağa əks olunacaq.
- Köhnə corab və ya dəsmaldan qapı altı üçün izolyator düzəldin.
- Termo pərdələr və ya izolyasiyalı roma jalüzləri – istilik itkisini 20%-ə qədər azalda bilər.
İsti ev təkcə hesablara qənaət deyil, həm də özünə qayğıdır. Bir az yaradıcılıq və kiçik dəyişikliklərlə eviniz həqiqi rahatlıq yuvasına çevriləcək. Çünki isti olmaq lüks deyil, özünə və evinə sevgi göstərməyin yoludur.
