Bu ilin yanvar-oktyabr ayları ərzində Azərbaycan Respublikası Dövlət Neft Fondu (ARDNF) ümumilikdə 5 milyard 919,4 milyon ABŞ dolları məbləğində valyuta satışı həyata keçirib. Bu rəqəm, ötən ilin müvafiq dövrü ilə müqayisədə 2,6 dəfə artım deməkdir.
Daylinews-az.com Fonda istinadən bildirir ki, yalnız oktyabr ayında ARDNF-in valyuta satışı 174,4 milyon ABŞ dolları olub ki, bu da keçən ilin eyni ayına nisbətən 13,9% azalma göstərir.
Bu il ARDNF-dən dövlət büdcəsinə nəzərdə tutulan transfertin həcmi 12 milyard 781 milyon manat təşkil etməlidir. İlk 10 ay ərzində bu məbləğin 10 milyard 650,8 milyon manatı təmin olunmalı idi. Lakin hesabat dövründə Fondun valyuta satışından əldə etdiyi vəsait bu məbləğdən təxminən 587,8 milyon manat az olub və 10 milyard 63 milyon manata bərabərdir.
