Mayın 14-də Azərbaycanda hava şəraitinin əsasən sabit keçəcəyi, temperaturun isə bir sıra bölgələrdə 31 dərəcəyədək yüksələcəyi proqnozlaşdırılır. Paytaxt və Abşeron yarımadasında dəyişkən buludlu hava üstünlük təşkil edəcək, gün ərzində arabir tutulma müşahidə olunsa da, ümumilikdə yağmursuz hava gözlənilir.
Gecə və səhər saatlarında bəzi şəhərətrafı ərazilərdə qısamüddətli az yağış ehtimalı var. Mülayim şimal-qərb küləyi əsəcək. Atmosfer təzyiqinin 751 mm civə sütunundan 755 mm civə sütununa qədər yüksələcəyi, nisbi rütubətin isə 60-70 % intervalında dəyişəcəyi bildirilir.
Bakıda və Abşeron yarımadasında temperatur:
- gecə 16-19° isti
- gündüz 23-27° isti
Ölkənin digər rayonlarında da əsasən yağmursuz hava şəraiti gözlənilir. Lakin günün ikinci yarısında bəzi dağlıq və dağətəyi ərazilərdə yağıntı ehtimalı qalır.
Ayrı-ayrı yerlərdə yağışın qısamüddətli intensivləşməsi, şimşək çaxması və dolu düşməsi mümkündür. Səhər və axşam saatlarında bəzi dağlıq ərazilərdə duman müşahidə edilə bilər. Şərq küləyi bəzi bölgələrdə arabir güclənəcək.
Rayonlarda temperatur:
- gecə 14-18° isti
- gündüz 26-31° isti
- dağlarda gecə 7-12° isti
- dağlarda gündüz 15-20° isti, bəzi yerlərdə 24-26° isti
