Bakının 329 nömrəli orta məktəbində bu gün 12:10 radələrində dərs fasiləsi zamanı X sinif şagirdi digər sinif yoldaşını bıçaqla yaralayıb. Şagirdlərin adları açıqlanmır.
Daylinews-az xəbər verir ki, hadisə ilə bağlı məlumat Bakı Şəhər Təhsil İdarəsi tərəfindən paylaşılıb. Yaralı şagirdə dərhal tibbi yardım göstərilib, təcili yardım çağırılıb və valideynlər məlumatlandırılıb.
Hadisə ilə bağlı müvafiq qurumlar araşdırmalara başlayıb, hüquq-mühafizə orqanları da bu məsələni nəzarətə götürüb. Rəsmi açıqlamada ictimaiyyətdən məsələ ilə bağlı həssas davranmaları və yalnız rəsmi qurumların bəyanatlarına istinad etmələri xahiş edilib.
