Azərbaycanda dövlət məktəbəqədər təhsil müəssisələrində çalışan tərbiyəçi-müəllimlərin sertifikasiyası qaydasında dəyişiklik edilib. Bu barədə Daylinews-Az məlumat yayıb.
Məlumata görə, müvafiq qərarı Baş nazir Əli Əsədov imzalayıb. Sənədə əsasən, Naxçıvan Muxtar Respublikasının Təhsil Nazirliyi, Azərbaycan Respublikasının Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin yerli filialları ilə birlikdə sertifikasiyada iştirak edəcək pedaqoqları alt sistemdə qeydiyyatdan keçirəcək və onları təyin olunmuş vaxtda sertifikasiyaya cəlb edəcək.
