Bakının Nərimanov rayonunda yerləşən Əliyar Əliyev küçəsində aparılan təmir-tikinti işləri ilə əlaqədar 17 və 24 nömrəli avtobus marşrutlarının hərəkət sxemində müvəqqəti dəyişikliklər edilib.
Daylinews-Az-ın məlumatına görə, bu barədə Azərbaycan Yerüstü Nəqliyyat Agentliyi (AYNA) məlumat yayıb.
17 nömrəli avtobusun yeni hərəkət sxemi
- “Nəriman Nərimanov” metro stansiyası istiqamətində avtobus Fətəli Xan Xoyski, Əhməd Rəcəbli və Təbriz küçələri (son dayanacaq “Nəriman Nərimanov”) ilə hərəkət edəcək.
- Yeni Yasamal yaşayış massivi istiqamətində isə avtobus Əhməd Rəcəbli, Ülugbəy və Fətəli Xan Xoyski küçələri ilə hərəkət edərək əvvəlki marşrutuna qoşulacaq.
24 nömrəli avtobusun yeni hərəkət sxemi
- “Nəriman Nərimanov” metro stansiyası istiqamətində avtobus Ziya Bünyadov prospekti, Əhməd Rəcəbli, Ülugbəy, Ağa Neymətulla və Təbriz küçələri (son dayanacaq) ilə hərəkət edəcək.
- Qaraçuxur qəsəbəsi istiqamətində isə avtobus Təbriz küçəsi, Əhməd Rəcəbli və Ziya Bünyadov prospekti ilə hərəkət edərək əvvəlki marşrutuna qoşulacaq.
Sərnişinlərdən dəyişikliklərə uyğun olaraq səyahət planlarını tənzimləmələri tövsiyə olunur.
