Avropa İttifaqına üzv olan 27 ölkənin səfirləri Rusiyaya qarşı 16-cı sanksiya paketini təsdiqləyiblər.
Brüssel yeni sanksiyalar çərçivəsində Rusiyadan birincili alüminiumun idxalını qadağan edəcək. Bu, Aİ-nin Rusiya iqtisadiyyatına qarşı tətbiq etdiyi məhdudiyyətlərin növbəti mərhələsi kimi qiymətləndirilir.
Bundan əlavə, Financial Times qəzetinin mənbələrə istinadən verdiyi məlumata görə, 16-cı sanksiya paketinə 13 bank və əvvəlkilərlə müqayisədə daha çox fiziki və hüquqi şəxs daxil edilib.
