Türk dünyası üçün əlamətdar qərar qəbul olunub: Novruz bayramı rəsmi şəkildə Türk Dövlətləri Təşkilatına (TDT) üzv ölkələrin ümumi bayramı elan edilib.
Daylinews-az.com-un TRT Haber-ə istinadla verdiyi məlumata görə, bu qərar Macarıstanın paytaxtı Budapeştdə keçirilən TDT Dövlət Başçılarının qeyri-rəsmi Zirvə Görüşündə qəbul olunub.
Təklif Türkiyə Prezidentindən gəldi
Qərarın təşəbbüskarı Türkiyə Prezidenti Rəcəb Tayyib Ərdoğan olub. O, Novruzun Türk dünyası üçün mədəni və mənəvi əhəmiyyətindən danışaraq, bu bayramın bütün türk dövlətləri tərəfindən birgə qeyd edilməsinin simvolik və birləşdirici gücə malik olduğunu bildirib. Təklif TDT-yə üzv ölkələrin liderləri tərəfindən yekdilliklə dəstəklənib.
Azərbaycan Prezidenti də iştirak edir
Qeyd edək ki, Budapeştdə keçirilən görüşdə Azərbaycan Prezidenti İlham Əliyev də iştirak edir. Zirvə çərçivəsində Türk dövlətləri arasında mədəni, iqtisadi və siyasi əməkdaşlıqların dərinləşdirilməsi ilə bağlı müzakirələr aparılır.
