“Qarabağ”ın və Azərbaycan millisinin futbolçusu Toral Bayramovun Norveç təmsilçisi “Bodö-Qlimt”in qapısından keçirdiyi möhtəşəm qol UEFA tərəfindən 2024/25 mövsümünün Avropa Liqasında ən yaxşı 10 qol siyahısına daxil edilib.
UEFA-nın rəsmi saytının yaydığı məlumata görə, reytinq qurumun texniki müşahidəçi qrupunun seçiminə əsasən tərtib olunub. Bayramovun səfərdə “Bodö-Qlimt”ə qarşı keçirdiyi oyunda uzaq məsafədən vurduğu qol siyahıda 7-ci yeri tutub.
Ən yaxşı qolun müəllifi isə “Qalatasaray”ın yarımmüdafiəçisi Yunus Akgün olub. Onun “Tottenhem”ə qarşı matçda vurduğu uzaqdan zərbə ilə fərqləndiyi qol, İstanbul klubunun 3:2 hesablı qələbəsində əsas rol oynayıb.
UEFA-nın versiyasına görə Avropa Liqasında mövsümün ən yaxşı 10 qolu:
- Yunus Akgün – “Qalatasaray” vs “Tottenhem”
- Rasmus Höylund – “Mançester Yunayted” vs “Bodö-Qlimt”
- Niko Uilyams – “Atletik Bilbao” vs “Roma”
- Pedro Rodriges – “Ayaks” vs “Latsio”
- Adama Traore – “Ferenstvaroş” vs “AZ Alkmaar”
- Samuel Omorodion – “Roma” vs “Portu”
- Toral Bayramov – “Bodö-Qlimt” vs “Qarabağ”
- Meyson Maunt – “Mançester Yunayted” vs “Atletik Bilbao”
- Kobbi Maynu – “Mançester Yunayted” vs “Lion”
- Gustav İsaksen – “Viktoriya Plzen” vs “Latsio”
Bu uğur həm “Qarabağ” klubunun, həm də Azərbaycan futbolunun beynəlxalq səviyyədə tanıdılmasına növbəti töhfədir.
