Milli Hidrometeorologiya Xidmətinin məlumatına görə, iyunun 4-də Bakıda və Abşeron yarımadasında dəyişkən buludlu hava şəraiti müşahidə olunacaq, bəzi saatlarda buludlanma artacaq. Gündüz əsasən yağmursuz keçəcək. Lakin gecə saatlarında və səhər bəzi ətraf ərazilərdə qısamüddətli yağış və şimşək ehtimalı var. Şimal-qərb küləyi arabir güclənsə də, axşam zəifləyəcək.
Temperatur göstəriciləri:
- Gecə: 17-20° isti
- Gündüz: 23-27° isti
- Atmosfer təzyiqi: 759 mm civə sütunu
- Nisbi rütubət: gecə 70-75%, gündüz 45-50%
Bölgələrdə hava necə olacaq?
Respublikanın bəzi bölgələrində yağışlı hava şəraiti davam edəcək. Bəzi yerlərdə leysan xarakterli yağış, dolu və intensiv yağıntılar müşahidə oluna bilər. Dağlıq ərazilərdə isə qar ehtimalı var. Axşama doğru yağıntılar tədricən səngiyəcək. Gecə və səhər saatlarında zəif duman gözlənilir. Qərb küləyi bəzi yerlərdə arabir güclənəcək.
Temperatur:
- Bölgələrdə gecə: 14-18° isti
- Gündüz: 22-27° isti
- Dağlıq ərazilərdə gecə: 5-10° isti
- Gündüz: 10-15° isti
