Ağdamın “Qarabağ” klubu Çempionlar Liqasının əsas mərhələsinin ilk turunda Portuqaliyada “Benfika” üzərində qazandığı 3:2 hesablı qələbə ilə həm özü, həm də Azərbaycan futbolu üçün tarixi nəticəyə imza atdı.
Reytinqdə irəliləyiş
- Bu uğur ölkəmizin UEFA reytinqinə əlavə 0,500 xal qazandırdı.
- Nəticədə Azərbaycanın ümumi göstəricisi 21,500 xal olub və yığmamız 25-ci pilləyə yüksəldi.
- Hazırda Serbiya (22,125 xal) bir pillə öndədir, Slovakiya isə (21,375 xal) bizdən aşağıdadır.
Mövsümün əvvəlindən inkişaf
Avrokubok mövsümünə Azərbaycan 17,125 xalla başlamışdı. “Qarabağ”ın ardıcıl qələbələri ölkəmizin mövqelərini möhkəmləndirərək Azərbaycan futbolunun Avropada nüfuzunu daha da artırır.
