“Arsenal” 26 yaşlı nigeriyalı hücumçu Viktor Osimhenin transferi üçün “Mançester Yunayted”ə rəqib olmağa hazırdır.
Daylinews-Az xəbər verir ki, bu barədə Sports Digitale üçün jurnalist Yağız Sabunçoğlu məlumat yayıb. Mənbənin məlumatına görə, “topçular” yay transfer pəncərəsində yeni hücumçu transferini əsas prioritetlərindən biri kimi müəyyən edib. Xüsusi vurğulanır ki, Osimhenin müqaviləsində 75 milyon avro məbləğində sərbəstqalma maddəsi yer alıb.
Hazırda Osimhen icarə əsasında “Qalatasaray”ın heyətində çıxış edir. Lakin onun “Napoli” ilə müqaviləsi 2026-cı ilin yayına qədər qüvvədədir. Transfermarkt portalının məlumatına görə, futbolçunun bazar dəyəri 75 milyon avrodur.
