Azərbaycanın milli aviadaşıyıcısı AZAL Turizm gününə həsr olunmuş xüsusi kampaniyaya start verib. Bu çərçivədə sərnişinlər beynəlxalq istiqamətlərə biletləri 35%-dək endirimlə əldə edə biləcəklər.
Kampaniyanın şərtləri
- Endirimli biletlərin satış tarixi: 15–30 sentyabr 2025
- Uçuş müddəti:
- 1–31 oktyabr 2025 – 35%-dək endirim
- 1 noyabr 2025 – 17 mart 2026 – 25%-dək endirim
- Təklif ekonom-büdcə, premium-ekonom və biznes-klass tariflərinə şamil olunur (vergilər və rüsumlar daxil deyil).
- Endirim kodşerinq, çarter və daxili reyslərə tətbiq edilmir, eləcə də pik dövrlərdə keçərli deyil.
- Endirimli biletlərin sayı məhduddur.
Sərnişinlər üçün imkanlar
AZAL-ın kampaniyası sərnişinlərə Avropa, Asiya və Yaxın Şərq istiqamətlərində daha münasib şərtlərlə səyahət imkanı təqdim edir. Şirkət bütün sərnişinlərini bu fürsətdən yararlanmağa və payız-qış mövsümünü unudulmaz səfərlərlə keçirməyə dəvət edir.
Biletləri AZAL-ın rəsmi saytından, mobil tətbiqdən, həmçinin kassalardan və akkreditə olunmuş agentliklərdən əldə etmək mümkündür.
