Azərbaycanın gənc boksçusu Bilalhəbaşi Nəzərov Monteneqronun Budva şəhərində keçirilən dünya birinciliyində uğurla çıxış edərək finala vəsiqə qazanıb.
Daylinews-az.com xəbər verir ki, Azərbaycan Boks Federasiyasının məlumatına görə, 48 kiloqram çəki dərəcəsində mübarizə aparan Nəzərov yarımfinalda Mərakeş təmsilçisi Osman Çadquru 5:0 hesabı ilə məğlub edib (hakimlərin hesabı: 30:26, 30:26, 30:26, 29:27, 30:26). Final mərhələsində isə Nəzərov Özbəkistan təmsilçisi Safyiddin Sabirov ilə qarşılaşacaq.
Bundan əlavə, qadın boksçumuz Aynur Mikayılova (57 kiloqram) dünya birinciliyində bürünc medal qazanaraq tarixi nailiyyətə imza atıb. Yarımfinalda Pinar Benek (Türkiyə) ilə qarşılaşmada 1:4 hesabı ilə məğlub olan Mikayılova, gənc qız boksçular arasında dünya birinciliyində medal qazanan ilk azərbaycanlı olaraq tarixə düşüb.
Qeyd edək ki, Azərbaycanın daha üç boksçusu da dünya birinciliyində yarımfinal mərhələsində mübarizə aparacaq.
